Ora in onda

Titolo

Artista

Programma attuale

Dolomiti Revival

12:00 14:00


Assunzion de personal – assistent aministratif tradutor: termins e modalitèdes per meter dant la domana de amiscion

Scritto da il 18 Marzo 2022

La domana de amiscion a la selezion publica, da portèr dant, se l é meso, tras l formulèr aposta, la cognarà vegnir metuda dant al Comun general de Fascia – Strada di Pré de Gejia n. 2 – 38036 Sèn Jan (TN) dant de les 12.00 de en mèrtesc ai 26 DE ORIL DEL 2022.

Se podarà ge consegnèr la domana al Comun general de Fascia te una de chesta vides:
– a man, te Ofize de Canzelaria (orì per la jent i dis de laor dal lunesc a la jebia con chest orarie: 08.30-12.00 / 14.30-16.30 e de vender demò da les 08.30 a les 12.00), che l dajarà fora n rezepis; enlouta la data e l’ora de canche rua la domana la vegnarà stabilida dal Protocol generèl del C.G.F.;
– tras posta, con racomanèda con avis de rezeviment manèda dant de la dì e de l’ora spezifichèdes sunsora a la direzion: Comun general de Fascia – Strada di Pré de Gejia n. 2 – 38036 Sèn Jan (TN); vegn prezisà che, per l’amiscion, sarà valevol l stempel con data e ora metù su dal Ofize de la Posta. Manèr ite la domana a chesta vida, aboncont, l é deldut a risech de chi che la spedesc; no vegnarà aboncont tout dant la domanes ruèdes do i cater dis de laor (tout fora la sabeda) do la dì del termin stabilì da chest avis (e, donca, do dai 02.05.2022);
– tras posta eletronica zertifichèda demò per i candidac che à na direzion de posta eletronica zertifichèda personèla e demò a chesta direzion PEC del Comun general de Fascia: pec.cgf@pec.comungeneraldefascia.tn.it ; la domana la cognarà esser sotscrita e scanscionèda tel format PDF; a la valiva moda se cognarà scanscionèr tel medemo format e jontèr ite te la domana duc i documenc che vegn domanà per tor pèrt a la selezion publica. La spedizion da la direzion de posta eletronica la cognarà vegnir fata dant de la dì e de l’ora spezifichèdes sunsora e la domana la vegnarà azetèda cò dal rezepis de consegna se podarà zertèr che l é stat respetà l termin pervedù da chest avis. No vegnarà azetà la domana manèda a la direzion PEC del Comun general de Fascia cò la vegn da na direzion de posta eletronica normala o da na direzion de posta eletronica de chela che l candidat no l sibie titolèr de persona. Cò la domana, tel format PDF, no la sibie da poder lejer nia deldut, l’Aministrazion la tolarà fora l candidat da la prozedura, ajache vegn conscidrà che la domana no la sibie stata metuda dant.

No vegn ametù de autra vides per meter dant la domana.

L termin stabilì per la prejentazion de la domanes e di documenc l é categorich e, donca, no vegnarà conscidrà domanes e documenc che, per coluna che sie la rejon, i rue fora di termins spezifiché sunsora. L candidat l cognarà arsegurèr che i dac che vèrda sia direzion de cèsa i sibie giusć e meter en consaputa de fata con letra racomanèda o tras posta eletronica zertifichèda o con na e-mail scempia a la direzion: segreteria@cgf.tn.it i mudamenc de direzion o de numer de telefon che sencajo fossa entravegnù do la prejentazion de la domana e per dut l temp che va inant chesta prozedura.

L’Aministrazion no l’arà neguna responsabilità cò l candidat no l mete en consaputa di mudamenc soradic e nience cò fossa entardivamenc postai o telegrafics o, aboncont, per colpa de etres, per cajo o per forza maora, ne percheche no l é stat manà de retorn l avis de rezeviment tel cajo de spedizion con racomanèda.

La domana de amiscion a la selezion publica la é valevola desche azetazion de la condizions metudes dant te chest avis.


Opinione dei lettori

Commenta

La tua email non sarà pubblica. Campi obbligatori *