Traccia corrente

Titolo

Artista

Show attuale

PianoM

14:00 17:00


Assunzion de personal – assistent aministratif tradutor: documentazion da meter dan tel cajo de assunzion

Scritto da il 18 Marzo 2022

L candidat l cognarà dèr ju na declarazion che sostituesc la zertificazion, aldò del articol 76 del D.P.R. 445/2000, che la zertee chisc dac:
1) la dì e l lech de nasciment;
2) olache l é enciasà e la situazion de familia;
3) la zitadinanza talièna o chela de un di Stac che fèsc pèrt de la Union Europeèna o l posses de una de la condizions pervedudes dal art. 7 de la lege dai 6 de aost del 2013, n. 97;
4) l godiment di deric politics (cogn vegnir spezificà chest posses ence te la dì che va fora l termin per meter dant la domana de partezipazion a la selezion publica);
5) l posses del titol de studie domanà per l’amiscion a la selezion publica;
6) l posses del atestat de cognoscenza del lengaz e de la cultura ladina de livel B2 o più aut, ciapà aldò del art. 18 de la L.P. dai 19 de jugn del 2008, n. 6, aldò del art. 3 del D.Leg. dai 16 de dezember del 1993, n.
592 e m. e i.f.d.;
7) la posizion ti confronc di oblighes de servije militèr, per i candidac de ses mascolin;
8) de no aer prezedenc penai o la condènes penales abudes e se l é en esser prozedimenc penai;
9) de no esser te neguna de la situazions de no compatibilità pervedudes dal Regolament organich del personal dependent del Comun general de Fascia.
L’Aministrazion l’à l poder de ge fèr fèr na vijita medica de zertament te la strutura sanitèra competenta ai lurieranc da tor su, dant che vegne sotscrit l contrat individuèl de lurier che ge pervegn. Chest control edich, cò l vegnissa desponet, l arà l fin de zertèr che la persona la sibie adatèda dal pont de veduda psico-fisich per meter en esser la encèries leèdes a la posizion funzionèla che la jirà a corir. Cò l enteressà no l se prejenta o l se refuda de fèr la vijita sanitèra, opuramenter se l ejit de la medema vijita no l é positif, l pert ogne derit che vegn ca dal ejit de la selezion.

L Comun general de Fascia l fajarà i controi che serf, ence a campion, per zertèr che la declarazions en sostituzion les sibie veres.

I candidac che metarà dant declarazions no veres per chel che vèrda l posses di requisic fondamentèi per la partezipazion a la selezion, apede ciapèr la sanzions penales pervedudes da la lege, i vegnarà descancelé fora da la graduatoria de referiment e l raport de lurier, cò l fossa jà en esser, l vegnarà serà su.

Ti termins pervedui dal art. 25 del CCPL 2016/2018 per la prejentazion de la documentazion, i enteressé i cognarà ence sotscriver l contrat individuèl de lurier apede la declarazion che no l é rejons de no compatibilità e l codesc de comportament, e tachèr l servije.


Opinione dei lettori

Commenta

La tua email non sarà pubblica. I campi richiesti sono contrassegnati con *