Assunzion de personal – assistent aministratif tradutor: formazion de la graduatoria e modalitèdes per sia doura
Scritto da Red.azione il 18 Marzo 2022
La Secretèra del Comun general de Fascia, con n sie provediment, la aproarà i documenc de la Comiscion de ejam che la stabilirà l’idoneità e la enjignarà la graduatoria finèla de merit, aldò di ponc ciapé a la proes (scrita e a ousc), osservan la preferenzes e/o prezedenzes de lege, cò en fossa.
La graduatoria la sarà valevola per trei egn alalongia, a tachèr da la dì che la vegn aproèda e la sarà da poder durèr sencajo che fossa de besegn de tor su personal per la califica profescionèla en costion.
Chesta graduatoria la vegnarà durèda semper tolan fora dant l prum concorent; i concorenc touc su a lurèr dal C.g.F. che i mete dant sia demiscions dant che vae fora la encèria i vegnarà touc fora da la graduatoria; te la doura de la graduatoria no vegnarà conscidrà i concorenc che te chel moment i sie jà en servije tel Ent aldò de la graduatoria medema.
Chi che à renunzià a la encèria do l’azetazion o che, zenza na rejon giustifichèda, no l abie tacà a lurèr te la dì stabilida o che, zenza na rejon giustifichèda, l abie lascià su la encèria, l vegn descancelà fora da la graduatoria per dut l temp de sia regnèda.
L candidat che no l sie più enteressà a tor su encèries te C.g.F. aldò de la graduatoria de trei egn l pel domanèr per scrit de vegnir descancelà fora a na vida definitiva da la medema e, donca, no l vegnarà più chiamà ite.
Cò te la doura de la graduatoria se fenissa su i inomes dant che vae fora l termin endèna che la é valevola, cò vegnissa metù adum na graduatoria neva, chesta la tolessa l post de chela da dant.
Vegnarà conscidrà renunziatères i candidac che no ge abie metù dant al Comun general de Fascia la documentazion che serf e che no i abie sotscrit l contrat individuèl de lurier ti termins pervedui. I candidac che renunzia i vegnarà aboncont descancelé fora da la graduatoria.
