Ora in onda

Titolo

Artista

Programma attuale

Aperto di domenica

09:00 12:00


’Z iz zait zo höara au pinn “Fondi Odi”

Scritto da il 8 Giugno 2021

“Eh, eråndre lebet lai umbrómm dar vånk ’z gèlt vodar Provìntz vo Tria! Åna in sèll, beratar sa gestorbet alle!”. Biavl vert habar gehöart khön asó? Daz meararste vo fremmege laüt boda khemmen vo auz. I hånse gehöart i, vo au dom! In åndar tage, pinne gest zo flattra obar in Bisele, balda allz in an stroach, pinne khent zo darvéra vo dise “Fondi Odi” boda khemmen gètt, opp un zuar, alln in kamòündar boda soin attn konfì pitt üs.

Beh, an earstn hånne pensàrt ke ’z  berat o gest a schümma sachan, boda hettat gehelft in zimbarn boda lem dòpo in Tèrmar. An lestn, alle di zimbar soin hèrta gest arme laüt, boda håm hèrta gekhempft, tage vor tage, zo giana vürsnen. Un anvétze pinne darstånt zo höara söttane zifre.

An mildjù zo vornàügra di Kaberlaba vo Slege, a pista vor ’z geràita boda iz gelekk zirka afti 1100 mètre übar ’z mer, 8 mildjü hèrta zo vornàügra in Verena un in Aispark vo Robån, 750 tausankh òiro zo vornàügra in platz vo San Pìaro. Eppaz njånka zo maga gloam! Alle di arbatn boda soin khent gemacht un boda bartn khemmen gemacht pitt dise Fondi Odi, makmase vennen gianante attn sito www.fondocomuniconfinanti.it. Un beraparz biar di sèllnen boda lem pinn kontribùtn?


Opinione dei lettori

Commenta

La tua email non sarà pubblica. Campi obbligatori *