Ora in onda

Titolo

Artista

Programma attuale

Dolomiti Revival

12:00 14:00


Lusérn hatt dikiaràrt an reddito pro-capite vo 15 tausankh un 268 òrio

Scritto da il 8 Giugno 2021

Eppaz zo schemase! Azma pensàrt ke ’z iz a baila boma khempft pittar Provìntz vo Tria zoa azta khemm gebetart dar Las, un sait no da zo paita. Pittnan bege boda boll iz khent auzgerichtet ettlane vert ma, an lestn, iz asó eng ke in zèrte tòkkng, mochtmase auhaltn pinn auto zoa zo macha pasàrn di åndarn.

I vörtme ke, ka Tria, vil vert vüllnsen ’z maul pitt börtar khödante ke ma mocht helvan in lentar von pèrng, ke ma mocht helvan di zungmindarhaitn. Ja, i sige boll bia sa helvanaz!

Lusérn, ’z djar 2018, hatt dikiaràrt an reddito pro-capite vo 15 tausankh un 268 òrio. Ummandar von ermarstn kamòündar vodar Provìntz vo Tria un o von gåntz Nord-Est. Un att d’åndar sait von Tèrmar, sekma abevalln von hümbl gèlt un kontribùtn. Ma mocht gian ka Tria, pittnåndar pinn Bèrsntolar, un hokn, auz von zenn, ke åna üsåndarn di Autonomì geat in krisi. ’Z berat djüst azta, dise Fondi Odi, khemmatn augetoalt pinn trianar un südtirolar kamòündar o, senónda geatma zo helva lai in raicharn un nèt in ermarn.

Est kheare bidrùmm in moi èst. Bar sengaz, liabe lusérnar!


Opinione dei lettori

Commenta

La tua email non sarà pubblica. Campi obbligatori *



Continua a leggere