Sport un djunge
Scritto da Red.azione il 25 Giugno 2022
Sidar mearare månat izta khent offegetånt dar sportìf zentrum Spilbar boda iz khent gètt vürzovüara dar Polisportiva Cimbra. Est di sportivan mang nützan di palestra un balda bartn soin verte di arbatn auzzalt bartnda mang khemmen gemacht åndre sport o. Ka hèrbest barpar inngem in vorsch zo haba an schütz zo maga dekhan in gåntz zentrum.
Darzuar dar sportìf feroine bille khön vorgèllz Gott in fraiböllegen Stefano Fabris un in Luca Pastorello boda offehaltn di palestra vor a drai tang afte boch. Afte Hoachebene izta gerift dar Giro d’Italia o boda hatt gemacht tappa atz Lavròu. Laidar di regolaméntn håm nèt zuargètt zo maga khemmen iar in lånt ombrómm in khearan bidrùmm, atz Monteruf beratnsase bokhennt di sèll boda innkhemmen pinn sèlln boda auzgian.
Zo bizza hèrta bazta tüat di Kmaòu vüarom makar gian afte websait von Kamòu https://www.comune.luserna.tn.it/ odar abevazzan di app Telegram “NaugezVonKamouVoLusern”. Asó bartar hèrta håm sichare informatziongen.
Alln aürhåndarn an schümman summar, hoffante zo lazzanaz hintar dise schaülane zaitn vodar pandemì un von internatzionàln spånnung. An guatn summar alln.
