Ora in onda

Titolo

Artista

Programma attuale

#PianoM

14:00 17:00


Mesuradëures dla cualità dl’aria tla scoles y scolines ladines

Scritto da il 2 Marzo 2022

L’Intendënza y Cultura ladina à da puech dat ora i aparac Aranet4 tla scoles y scolines per museré la CO2, la temperatura y l tume tla tlasses. Cun l’aiut de chisc mesuradëures uelen garantì na bona cualità dl’aria tla tlasses, cie che ie deventà mo de majera mpurtanza do la pandemia da coronavirus. Sëuraprò tol 6 tlasses dla scoles de Gherdëina nce pert a na nrescida dl’EURAC per monitoré plu avisa la situazion.

Aldò di esperc dl Labor per l’analisa dl’aria y radioprutezion stajons al didancuei dedite l 80-90% de nosc di, perchël iel da stramp mpurtant a sté te n local cun de bona aria. N livel scialdi aut de CO2 tl’aria possa purté pro a ne vester nia plu boni de se cunzentré, a se taché plu saurì virus de uni sort y a giaté mel de ce y d’autri sintoms. Per chësta rejon an tëut la dezijion de cumpré i mesuradëures dla CO2, tres chëi che l ie mesun a capì can y tan giut che l ie da giaurì l viere per lascé ite de bona aria frëscia. Chisc aparac ne à nia mé na funzion pratica, ma nce didatica, davia che nscila possa i mutons y la mutans mparé la mpurtanza de giaurì i vieresc plu suvënz, a liejer dac y a se nuzé dla tecnologia per n fin formatif.

Ai 18 de fauré iel unì metù a jì n curs de furmazion online sun l’adurvanza di aparac Aranet4, la cunseguënzes de n valor massa aut de CO2 y la nterpretazion di dac cun i esperc dl Labor per l’analisa dl’aria y radioprutezion, ulache l à tëut pert prësciapuech 45 nseniantes y nsenianc.


Opinione dei lettori

Commenta

La tua email non sarà pubblica. Campi obbligatori *