Ora in onda

Titolo

Artista

Programma attuale

Aperto di domenica

09:00 12:00


Manual dl Südtirol cun le Statut d’autonomia sëgn ince por ladin

Scritto da il 7 Luglio 2021

Tl Manual dl Südtirol nü él da ciafé na seria de informaziuns ajornades sön l’autonomia, la storia locala y les istituziuns dla Provinzia. Les verjiuns ladines é danman por badiot y gherdëna.

Le Manual dl Südtirol cun le Statut d’autonomia é na fontana d’informaziun pratica y d’ütl por ciaré do les tapes plü importantes dla storia, dl’aministraziun y dla politica dl Südtirol. Le manual ne contëgn nia ma informaziuns generales sön l’autonomia dl Südtirol, mo ince la Costituziun dla Republica taliana, l’Acordanza De Gasperi-Gruber y le Statut d’Autonomia. N punt important é ince le capitul che trata l’adoranza di lingac todësch y ladin.

Implü él da ciafé informaziuns sön le Consëi provinzial, le presidënt dla Provinzia y la Junta provinziala, sciöche ince sön l’Aministraziun provinziala y les competënzes dla Provinzia. Al vëgn ince presenté en cört danterater la Regiun, le Stat, i Comuns y l’Aziënda sanitara dl Südtirol.

Por l’assessur por la scora y cultura ladina Daniel Alfreider é la publicaziun por ladin de documënc d’interes publich de gran valüta. “Por vigni grup linguistich dla provinzia él fondamental da podëi se informé te so lingaz dla uma y insciö sostignunse inant la publicaziun de materai por ladin”, dij Alfreider.

Do l’ajornamënt dles verjiuns publicades por todësch y talian él sëgn danman da püch ince les verjiuns por badiot y gherdëna. Les traduziuns é gnüdes fates dal Ofize Chestiuns linguistiches dla Provinzia.


Opinione dei lettori

Commenta

La tua email non sarà pubblica. Campi obbligatori *