Ora in onda

Titolo

Artista

Programma attuale


D-Gei te Museo

Scritto da il 7 Giugno 2021

Ai 10 de jugn l Museo ge orirà endodanef sie ujes a la jent, viventà da la musega, e
che musega!
Tel chèder de la scomenzadives dedichèdes ai festejamenc de Museo e Istitut –
caraterisèdes dal slogan Mia Majon, Mia Storia, Mia Parlèda e co l’obietif de tor ite l
teritorie te la ativitèdes de l’Istitut Cultural e del Museo Ladin – l’é vegnù fora l’idea de
meter a jir n event fat dai joegn per i joegn. Coscita, col didament zis prezious de la
sociazion INOUT, nasciuda del 2017 per ge dèr lèrga e sostegn a idees e scomenzadives
outes ai jogn te Fascia – l’é nasciù l’event D-gei te Museo, pervedù live su la piates
Facebook e YouTube de l’Isitut Cultura Ladin en vender ai 4 de jugn da les 6 da sera.
L zil de la scomenzadiva l’é che i joegn del post posse palesèr sia vijion del Museo
Ladin, col meter al luster sie talenc e sia idees e col valorisèr amò apede l lengaz e la
cultura ladina, esprescion de na identità viva, ativa, joena e dinamica, semper feruscola,
da piz a cianton, de gra a la musega!
L’é dut chel che serf. N lech de storia e cultura, n DJ joen e cognosciù dai joegn, Daniel
Liberatore, e na vida del dut fora de anter percheche i joegn posse viver e sentir la
musega, ma ence descorir endodanef sia cultura. N event live feruscol, olache, fora per la
sales de nosc maraveous Museo, la fegures de la tradizion ladina vegn viventèdes da la
notes semper più gaertes de la musega house!
Usà a spetacoi live, Daniel Liberatore l sona per ne fèr balèr dal vif e per ne engaisser duc
a tor pèrt. L’event vel ence esser n ejempie acioche da chiò inant posse se meter adum na
rei colaborazion anter sociazions del teritorie, enc istituzionèi, operatores economics e jent
de ogne età. Na situazion percaenta per duc che la desmostrarà coche, dal se meter
ensema, jervee l bel de se sentir pèrt da na comunità viva. E apontin per chest l Museo se
ouc al teritorie, acioche la jent vèrde la scomenzadiva en direta, ti bares, te la boteighes, a
cèsa, olachemai e la stae en contat sun Facebook con nesc joegn, tras comenc, foto e
video per moscèr da olache se é do a vardèr l’event.
D-gei te Museo vel ge manèr n messaje a duc: la cultura ladina sion nos ensema e
vigni un de nos pel fèr sia pèrt per la tegnir viva.


Opinione dei lettori

Commenta

La tua email non sarà pubblica. Campi obbligatori *