Ora in onda

Titolo

Artista

Programma attuale


Posć de laur pro l’Intendënza y Cultura ladina

Scritto da il 18 Agosto 2021

L’aministraziun provinziala chir colaboradësses y colaboradus: chi che passa le concurs podess ciafé n contrat a tëmp indeterminé – ince tl’Intendënza y Cultura ladina.

L’Intendënza y Cultura ladina é l’istituziun che coordinëia le monn dles scolines y dles scores ladines y ti pita sorvisc. En plü dála impulsc al monn dla cultura ladina y dla jonëza, finanziëia y coordinëia le svilup te chisc seturs.

Atualmënter é daverc dui concursc por personal dl’aministraziun provinziala cun contrat a tëmp indeterminé:

por colaboradus/ colaboradësses aministratives (6° livel, livel de matura)
por ispeturs aministratifs/ ispeturies aministratives (8° livel, livel de bachelor/ laurea).
Tramidui concursc é daverc ince por candidac ladins/ candidates ladines.

Les domandes por le concurs de 6° livel mëss gní dades jö cina ai 3 de setëmber 2021 dales 12 y les domandes por le concurs de 8° livel cina ai 10 de setëmber 2021 dales 12. Dötes les informaziuns sura i concursc é da ciafé sön la plata internet dla Repartiziun Personal.

I candidac y les candidates che passa pro i ejams y che ciafa l’idoneité á la poscibilité de ciafé ince n post tl’Intendënza y Cultura ladina, a livel de matura ince ti secretariac dles scores. L’aministraziun provinziala á fat ti ultims tëmps de gragn vari tla implementaziun de formes de laur nöies, sciöche le laur en pert da ciasa (smartworking) y orars de laur flessibli, en combinaziun cun la forma de laur plü tradizionala te ofize. Chëstes formes de laur flessibl vá dessigü adincuntra ales nezescités dla jënt dles valades ladines che á interés da lauré tl ciamp publich, mo che se stënta da pendelné vigni dé sura de majeres destanzes por motifs de laur.

Por de plü informaziuns pon contaté l’intendënta Edith Ploner (Tel. 0471 417000) o le diretur dla Repartiziun Mathias Stuflesser (Tel. 340 3270702).


Opinione dei lettori

Commenta

La tua email non sarà pubblica. Campi obbligatori *



Continua a leggere