Ora in onda

Titolo

Artista

Programma attuale

Dolomiti Revival

12:00 14:00


Ponton endò via ence te noscia valèdes con nesc portie per la sociazions

Scritto da il 3 Marzo 2022

La sociazions e i etres enc no profit con senta ti desvalives teritories tel Trentin i pel se oujer a n servije de consulenza per la prateghes giuridiches e fiscales.

Se pel jà tor i apuntamenc per l 2022; i portie atives sul teritorie l é:

1) VAL DE FIEM, VAL DE FASCIA E AUTA VAL DE CEMBRA, te chesta sentes:

Ciavaleis, Via Alberti 4 (senta de la Comunità teritorièla de Fiem)
Sèn Jan, Strada di Pré de Gejia 2 (senta del Comun general de Fascia)
2) ROTALIANA, PAGANELLA E BASSA VAL DE CEMBRA:

Lavis, Piazzetta degli Alpini 6 (aló dal Ofize Politiches per i Joegn)
Mesacorona, Via Cavalleggeri 19 (senta de la Comunità Rotaliana-Königsberg)
3) VALLAGARINA E ALTIPIANI CIMBRI:

Rorei, Piazza del Podestà n. 11 (aló da la Cèsa de Comun)

4) ALTO GARDA E LEDRO:

Riva del Garda, Via Rosmini n. 5/b (aló da la senta de la Comunità Alto Garda e Ledro).

Chisc portie teritorièi de orientament per la sociazions i é stac metui su de gra al sostegn e a la colaborazion de la Comunità teritorièla de Fiem, del Comun general de Fascia, de la Comunità Rotaliana-Königsberg, del Comun de Lavis, de la Comunità de la Paganella e de la Comunità de la Val de Cembra.

En colaborazion col Orden di Dotores Comerzialisć e di Esperc Contaboi de Trent e Rorei (ODCEC) aon volù meter su chisc portie col zil de ge sporjer didament ai enc no profit che laora ti teritories de la valèdes periferiches del Trentin, olache da spes, apontin ajache i é dalonc, i stenta de più a esser do e do en consaputa de la novitèdes normatives che revèrda sie ciamp.

Al portel podarà se oujer ence chi che é enteressé a meter su na sociazion o n ent del Terz setor. Per duta la informazions e per tor apuntament ve envion a vardèr te la sezion dedichèda de nosc sit:

CHIÒ INFO E APUNTAMENC PORTIE (apre il link in una nuova finestra)

https://www.volontariatotrentino.it/area_giuridica/sportelli_territoriali

 


Opinione dei lettori

Commenta

La tua email non sarà pubblica. Campi obbligatori *