N livel scialdi

Aldò di esperc dl Labor per l’analisa dl’aria y radioprutezion stajons al didancuei dedite l 80-90% de nosc di, perchël iel da stramp mpurtant a sté te n local cun de bona aria. N livel scialdi aut de CO² tl’aria possa purté pro a ne vester nia plu boni de se cunzentré, a se taché plu saurì virus de uni sort y a giaté mel de ce y d’autri sintoms. Per chësta rejon an tëut la dezijion de cumpré i mesuradëures dla CO², tres chëi che l ie mesun a capì can y tan giut che l ie da giaurì l viere per lascé ite de bona aria frëscia. Chisc aparac ne à nia mé na funzion pratica, ma nce didatica, davia che nscila possa i mutons y la mutans mparé la mpurtanza de giaurì i vieresc plu suvënz, a liejer dac y a se nuzé dla tecnologia per n fin formatif.