Ora in onda

Titolo

Artista

Programma attuale

Dolomiti Revival

12:00 14:00


Lusérnar Zimbar Loaf Trail

Scritto da il 2 Giugno 2021

Pinn moi gelòava hånne abegemacht halbez Beleschlånt un no pinne gånt umi di bèlt o. I hån geloft pa stattn, durch pa bisan, un au pa pèrng, i hån gesek gåntz schümmane pöst, ma antånto azze hån geloft hånne o pensàrt: “Baz menglta atz Lusérn zo venna schümmane beng un staigela drau zo maga loavan? Nicht! Lusérn hatt allz daz peste zoa zo maga innstèlln an schümman loaf!”

Lusérn, ditza gåntz schümma lentle, pitt soin bundarstn pöst, pitt soinar stòrdja, pitt soinar uantzege zimbar zung, meritàrt az khemm gekhennt pezzar von loavar boden gevàllt dar spòrt in di natùr.

I hån geredet pinn tschelln vodar Pro Loco – Vor ’z Lånt – vo Lusérn un pinn tschelln von G. S. Valsugana Trentino, moi khnopf von gelóava, alle peade håm augenump asó gearn d’idèa che i pinme gelekk lai atti arbat.

Vil laüt khennen Lusérn ma loavar hånnar gemak seng bintsche, i böllat aztaz khemmen zo vennana dise loavar o, ’z berat a naüga kategorìa laüt boda magatn nånemmen soine famìldje un machan no mearar khennen Lusérn.


Opinione dei lettori

Commenta

La tua email non sarà pubblica. Campi obbligatori *



Continua a leggere