Traccia corrente

Titolo

Artista


’Z lånt von baibarn

Scritto da il 8 Luglio 2022

“Atz Lusérn soinz hèrta gest di baibar åzolega di pruach”. Khödante asó, pensàre boll ke a par alte månnen drenense um inn in grapp; ma di stòrdja vo Lusérn iz sichar khent gemacht von baibar o.

In djardar ’900 di månnen soin gest vort: zo macha di maurar, di khnottnhakhar odar zo vorkhoava apparéppaz, azpe daz arm Tönle Bintarn. Di baibar soin gest da alùmma, odar pezzar khött alle pittnåndar zo ziaga vür ’z lånt, auzozügla khindar un khèlpla.

Zum gelükh atta bichtege arbat von zimbar baibarn izta khent khött un geschribet vil: bar mang gedenkhan in Christian Prezzi boda kontàrt gerècht balda di baibar soin gånt in balt, in pon vodar nacht, zoa auzolesa di brigàlde, boda dena soin khent getrakk zo vüaz fin ka Tria un vorkhoaft in Erbeplatz. Un di arbat von hennepern, pensàrante ke a baibe iz gest guat auzolesanar 8/10 kile in an tage, zoa zo vorkhoavase dar famósatn firma “Zuegg” vo Poatzan.

Vodar famìldja un von baibarn izta khent gesunk o da schümma kantzù “Lusérn” boda khütt: “di månnen machan haüsar, gian vort von lånt, di baibar nå in bisan, in èkhar un in holtz.”


Opinione dei lettori

Commenta

La tua email non sarà pubblica. I campi richiesti sono contrassegnati con *