Ora in onda

Titolo

Artista

Programma attuale

#PianoM

14:00 17:00


Longyearbyen, di statt boda di laüt mang nèt stèrm

Scritto da il 25 Giugno 2021

’Z parìr eppaz njånka zo maga gloam un anvétze iz pròpio asó: ’z izta a statt, in Norvegia, boda ’z rècht khütt ke di laüt mang nèt stèrm un dar vraithof mocht stian gespèrrt.

Disar platz hoazt Longyearbyen un iz ummana von stattn von Isole Svalbard. Di Svalbard soin in Mer Glaciale Artico un soin di plètz mearar a nòrt vodar bèlt z’soina no gelebet vo epparùmmaz.

Longyearbyen iz da gröazarste statt von sèllnen von Svalbard un von djar 1950 di laüt mang neméar stèrm un khemmen bogràbet in di statt. ’Z izta khent auzgemacht ditza umbrómm di laüt boda lem sèmm håm darvért ke dar laip vo soin toatn, a bòtta bosa soin khent bogràbet, iz hèrta gestånt ingåntz, åna zo darvàula. Dar laip von laüt boda soin gest gestorbet iz hèrta gestånt gelàich umbrómm in disan platz iz asó khalt ke ’z iz quàse hèrta untar zèro un peng ditza di earde steat hèrta gevrort. Un asó, azta di earde iz gevrórt, dar laip von bogràbatn laüt steat o gevrórt.


Opinione dei lettori

Commenta

La tua email non sarà pubblica. Campi obbligatori *