Liam strënt danter teoria y pratica

L cunzet per l percurs de abilitazion ie unì metù ju dala Ntendënza tudëscia y dala Ntendënza ladina n culaburazion cun la Facultà de Scienzes dla Furmazion dl’Università de Bulsan. L fin dl percurs ie chël de nsenië ju “prufesciunisć che pënsa do sun la basa de n gran savëi pratich te si materia y de n cumpurtamënt urientà ala nrescida“ dij Anna Pfitscher, dirijënta dla Ntendënza tudëscia che ti ie stata do al proiet. Per chësta rejon ie la teoria y la scienza liedes a na maniera strënta cun la pratica. L ie nce udui dant modui pratics sun la particulariteies dla scola dl Südtirol. La furmazion vën a se l dé n pert deberieda – per cie che reverda i aspec didatics – y n pert te grupes spezialisedes. Ntan l percurs de abilitazion vën la partezipantes y i partezipanc acumpaniei da n mentor o na mentora.