Ora in onda

Titolo

Artista


La Val y Badia: Seria de intervënc de sigurté da smöies y lovines

Scritto da il 19 Novembre 2021

Por le lüch Verda tl Comun de Badia él gnü stlüt jö dan da püch i laurs de ressanamënt dles operes de proteziun da lovines che é gnüdes danajades dala tempesta Vaia. D’atri laurs de sistemaziun dl rü é ince gnüs fac pro le Rü de Ciamplorët tl Comun de La Val.

Plü sigurté pro le Rü de Ciamplorët

Do che ti agn passá él gnü a se le dé na erojiun sota de na pert dl Rü de Ciamplorët él l’Ofize competënt che á metü da jí i laurs de sistemaziun dl rü cun na mosöra de prescia. I laurs á metü man de jügn sot ala coordinaziun de Sigisfredo Moling y reverda la costruziun de barieres de consolidamënt nöies y müres de proteziun. Implü él ince gnü ressané n toch danajé da na smöia. Indöt él gnü partí sö i laurs te cater loc por na soma de 250.000 euro por vigni intervënt. Pro le pröm lot á i laurs sura le punt a Pidro metü man de jügn y é gnüs portá a piz d’agost sot ala direziun dl injinier Thomas Gamper. Implü él ince gnü ressané n toch danajé da na smöia. I atri trëi loc reverda laurs danter Ciampló y Lunz. Le proiet é te chësc caje gnü realisé da Martin Moser, la direziun di laurs ti é gnüda surandada a Michael Baumgartner. Dan da püch él gnü stlüt jö i laurs por le secundo di cater loc.


Opinione dei lettori

Commenta

La tua email non sarà pubblica. Campi obbligatori *