La segurté y le bëgnester de scolari y scolares

Bel da atira podará düc jí te classa zënza mascherot. La segurté y le bëgnester de scolari y scolares ti stá dër a cör al’aministraziun provinziala. Avisa porchël, giulan a n proiet pilot dl’Eurac da Balsan, á metü man – de forá 2022 – le control dla cualité dl’aria tles scolines y tles scores ladines dla Provinzia, chëres che á ciafé 251 aparac por mosoré les variaziuns de CO₂ tles classes, y podëi insciö ince arbassé le risch da se taché le virus Covid19. Les mosoraziuns, che jará inant ince ti proscimi mëisc, á cina sëgn mostré sö resultac che dá confort, n cunt de cualité dl’aria tles scolines y scores ladines.