Ora in onda

Titolo

Artista

Programma attuale

#PianoM

14:00 17:00


La Risola: pian di joegn 2022

Scritto da il 18 Marzo 2022

L Pian di Joegn metù ju per l 2022 l perveit en particolèr de portèr dant projec inovatives, percorsc e esperienzes che enfin amò ades no i é mai stac porté dant a la comunanza de Fascia. L Pian l se ouc ai joegn dai 11 a 35 egn e l cogn aer desche finalitèdes:
– meter a jir e slarièr fora rees de coleament anter desvaliva realtèdes e comunicazion anter sociazions e joegn del teritorie, più avisa la creazion o l meter endò a jir momenc de scontrèdes anter i desvalives paijes e la sociazions/sentadins atives sul teritorie tras proponetes con cheles che se vel portèr dant modalitèdes de lurier en rei e en colaborazion con desvalives sojec.

– protagonism e partezipazion ativa di joegn, da didèr dò e sostegnir te n percors de crescimonia e autonomia delaite da realtèdes neves o jà en esser sul teritorie che les porta inant projec de politiches utoles e de fazion per i joegn (soraldut sociazions e gropes di joegn).

– crescimonia tel setor de la formazion, de la cultura e del lurier, no demò per chel che revèrda i joegn, ma ence tel chèder de la comunanza, l raport anter la generazions e l slarièr fora la competenzes.

– En particolèr vegnarà valorisà chi projec che i ge permet a n joen de se arvejinèr al mond del lurier o che i ge consent na crescimonia dal pont de veduda sozio-culturèl (ence tras formes de esprescion artistich-creatives desche per ejempie: musica, teater, lengec multimedièi…) te modalitèdes neves e che tegn cont de la sostegniblità ambientèla (v. Agenda 2030)

Lec l avis chiò enjontà, scrif ite l formulèr idea al link https://forms.gle/irzJBFf4EJWu2fEd9 (apre il link in una nuova finestra) opuramenter, se te sès jà co fèr, porta dant diretamenter l formulèr del projet chiò enjontà a:

pianogiovani.larisola.fassa@gmail.com

T’ès temp enfin ai 15 de oril 2022!

PGZ La Risola -Val di Fassa
tel 340-8345228
pianogiovani.larisola.fassa@gmail.com


Opinione dei lettori

Commenta

La tua email non sarà pubblica. Campi obbligatori *



Continua a leggere