Festival von djungen von Euregio: ma makse innschraim sin atz 14 von prachant
Scritto da Red.azione il 26 Maggio 2022
Von 21 sin atz 24 herbestmånat 2022 da ulfte editziong von Festival von djungen von Euregio bartze haltn ka Rovrait in Trentino un 36 studentn von 16 afte 19 djar bartn soin gerüaft zo reda übar “vornaügarn un traditziong”.
Dar Festival von djungen bartze offetüan gianante z’sega daz naüge åmt vor informatziongen un vo koordinamént ka Tria un bartnse vennen zo reda pitt espèrte un asó di djungen mang diskutarn übar in Euregio un soi zukunft pittnåndar pinn vorsitzar vodar autonome Provìntz vo tria Maurizio Fugatti.
Dar Festival von djungen von Euregio opfart an schümman kulturàl un rikreatìf progråmm boda innhaltet trèff pinn firme von Euregio boda machan naüge sachandarn un trèff zo reda pitt espèrte. Darzuar pinn Festival di djungen mang khennen åndre djunge alt azpe se boda zuarkhemmen vo alln in lentar von Euregio.
