Drai konkursn ver a sproch 2023 – Filmer – Technischa sòchen
Scritto da Red.azione il 18 Dicembre 2022
Der konkurs ist toalt en zboa sezionen:
A. Video social media
De òrbet as ogem kimmp mias sa i׳:
• tauern nèt mear as 2 minutn;
• òlla de tèkstn ont, benns sn hòt, titln, untertitln oder titln zan leistn miasn sai׳ as bersntolerisch;
• de dialong ont/oder de stimmen as lesn, miasn sai׳ òlla lai as bersntolerisch.
B. Kurzfilm
De òrbet as ogem kimmp mias sa i׳:
• tauern zbischn de 5 ont de 15 minutn;
• s sèll as kimmpt kein en film, de vrong en de lait ont de tèckstn miasn sai’ ver nèt minder as 70% en bersntolerisch.
C. Òndra ausdruckvirm
S kennen derzua òndra òrbetn ogem kemmen, abia grafikkunst, schaubèrkn, rap, stroskunst ont an iatn òndern mittoalvurm ont vourstell va de realtà oder va de fantasi.
