Ora in onda

Titolo

Artista


Dar lest gipeto

Scritto da il 1 Luglio 2021

Dar lest gipeto boda iz khent gitöatet von månn iz gistorbet ’z djar 1913 in Beleschlånt, atti Alpm, vo sèmm vort iz khent gåntz sber mang seng sött schümmane groaze vögl in ünsar lånt. ’Z iz daz sèll boda iz vürkhent viln åndarn billn vicharn: bölf, lintschi, pern, stambecchi un, azpe vor dise vichar, vor in gipeto o iz gest bichte tüan eppaz zo rètta di biane bodada no soin gest. Vor ditza, in di djardar 80 von tausankhunnoünhundart, izta khent augilekk an prodjèkt zo traga atti Alpm åndre gipeti.

Auz pan earstn von kristmånat 2020 izta girift in da ünsar provìntz dar gipeto Pierrò; dar hatt schiar zboa djar un iz hergirift von Alpm vodar Fråntscha, flattrante obar in Alpm Marittime un in Appennino emiliano, dar izzese augihaltet a nacht in Pianura Padana un an lestn izzar girift atta Zimbar Hoachebene bodar iz khent gisek meararne vert zbisnen Kholegen un fòrte Cherle.

Bar bizzan allz ditza umbrómm, nåmp in vèttrech, hattar augihenk an Gps boda zoaget in studjös bodar geat.


Opinione dei lettori

Commenta

La tua email non sarà pubblica. Campi obbligatori *