Ora in onda

Titolo

Artista

Programma attuale


Dar bege von Laaz bart offestian sin atz 28 von snitt

Scritto da il 24 Maggio 2022

Dar provintziàl bege n. 133 vo Monteruff (Laaz, Menador odar Kaiserjägerstrasse) iz sa khent offegetånt un bart stian offe sin atz 28 snitt 2022, auzlazzante natürlich in tage boda pasàrt dar Giro d’Italia an mitta 25 von madjo vor di tappa Ponte di Legno – Lavròu. Ditza hatta auzgemacht da autonome Provìntz vo Tria vor bazta ågeat disan spetakolàr bege boda iz drumauz zo khemma auzgepezzart.
“Bar håmz getånt – khütta dar Vorsitzar Maurizio Fugatti – zoa azta habe mearar vèrt daz sèll boda zuarvüart da 17/ane tappa von Giro d’Italia. Asó berda arbatet vor in turismo un di kamöüschaft bosen ågeat mang innziang mearar vo disan schümma trèff, haltante kunt ke bar khemmen vo zboa djar boda soin gånt mèchte letz vor alle peng dar pandemì”.
In provintziàln emtar bosen åsteat izzen khent geschafft zo tüana allz bazta iz mångl zo maga offehaltn in bege. Di arbatn zo betra un zo sichra, boda håm mångl in bege gespèrrt, bartn bidar åhevan verte disa zait offe.


Opinione dei lettori

Commenta

La tua email non sarà pubblica. Campi obbligatori *



Continua a leggere