Ora in onda

Titolo

Artista

Programma attuale

Adoradio

17:00 20:00


Calendèr ladin 2022

Scritto da il 5 Dicembre 2021

L 2021 l é stat l an de la zelebrazions per i 40 egn de la biblioteca del Istitut Cultural Ladin e i 20 egn de la neva senta del Museo Ladin de Fascia. N an no demò de scomenzadives per recordèr n cedean, ma ence na ocajion unica per se pissèr e ge dèr foja a na neva idea de cultura ladina, fata de condivijion e interazion, con n program rich de ativitèdes dedichèdes a duc e binèdes adum sot l ciapel de chesta emprometuda: mia majon, mia storia,
mia parlèda.
Una de la scomenzadives che più à caraterisà chest an tant particolèr l é stat l concors L Segnaliber che volesse, nasciù desche ocajion per se scontrèr e tor ite duta la jent de Fascia, soraldut jent de età, bec e joegn, che più che zenza à padì la pesoca situazion de la pandemia. Dotrei de chisc segnaliber é stac cernui fora per viventèr l Calandèr ladin 2022 che, dal an che vegn, apontin per jir do l vièl de na neva idea de cultura ladina, l vegnarà perferì ence te la verscion de agenda da desch e che l Istitut Cultural ladin à volù ge fèr ruèr chest an a duc i ofizies publics e ai ofizies de la scola de Fascia.
Vèlch copia la vegnarà ence metuda a la leta de chi che volessa se n tor, te biblioteca Père Frumenzio Ghetta.


Opinione dei lettori

Commenta

La tua email non sarà pubblica. Campi obbligatori *