Ora in onda

Titolo

Artista

Programma attuale

Dolomiti Revival

12:00 14:00


Bonus spëises nfurmatiches: retuda per 4,3 milions de euro

Scritto da il 23 Marzo 2022

Te Südtirol iel 8.899 benefiziac per la soma nchin a 520 euro per la spëises nfurmatiches dl personal dla scoles y dla scolines. I assessëures Vettorato, Achammer y Alfreider se dij cuntënc.

La scadënza ie n vënderdi ai 25 de merz. N chësc di giaperà 8.899 nsenianc dla scoles y dla scolines de Südtirol l “Bonus IT”. L se trata dla reduta nchin a 520 euro per i custimënc di hardware y sofware che i nsenianc à abù tl tëmp danter ai 5 de merz dl 2020 y ai 15 de nuvëmber dl 2021.

I assessëures cumpetënc per la scola Giuliano Vettorato, Philipp Achammer y Daniel Alfreider se dij cuntënc. “Chësc cuntribut una tantum ie n recunescimënt che ti va ancontra ai bujëns di nsenianc, a chëi che l ti unirà garantì na retuda sun chëla che l ne ie nia da paië chëutes.

La finalità de chësc nvestimënt ie, da una na pert, de sustenì te na maniera retroativa l personal dla scolines y dla scoles de Südtirol, che à ntan la pandemia suvënz messù tò ca mesuns persunei, cun na reazion asvelta ala problematiches liedes ala didatica a destanza. Dal’autra pert ti dajerà chësc sustëni economich l mesun ai duzënc de ti jì do a si bujëns de digitalisazion tla scolines y tla scoles cumpran mesuns nfurmatics.”

Retudes nchin a 520 euro

Tl scumenciamënt dl mëns de nuvëmber passà, à la Jonta fat ora i criteres y la manieres de retuda una tantum, stanzian n fond de ndut 6 milions de euro. Chi che giaperà l Bonus IT à mandà inant la dumanda de retuda dla spëises ai ufizies cumpetënc nchin al plu tert ai 16 de nuvëmber dl 2021. Chësta dumandes ie unides valutedes y dates pro dai ufizies cumpetënc. La soma dla retuda, nchin a 520 euro, ti unirà acrediteda ai 25 de merz te un n iede tla busta paga de chi che à damandà do.

Passa l 92% dla dumandes dates pro

I ufizies cumpetënc à ti mënsc passei cialà tres de ndut 9.654 dumandes. De chëstes n iel unì dat pro 8.899, per na perzentuela puech sëura l 92%. La soma unirà paieda ora a 1.094 nsenianc dla scolines y a 7.805 nsenianc dla scoles de Südtirol. Per la Provinzia ie l nvestimënt de 4.309.271 de euro. L paiamënt una tantum fej referimënt ala spëies per computer, laptop, notebook, scanner, webcam, microfonns y duc chëi mesuns che à coche finalità prinzipela la comunicazions eletroniches.


Opinione dei lettori

Commenta

La tua email non sarà pubblica. Campi obbligatori *