Aprovaziun al “bonus-IT”
Scritto da Red.azione il 9 Novembre 2021
Dan da n’edema él la Junta provinziala che á dé süa aprovaziun al “bonus-IT” por le personal dles scores y scolines. Chësta mosöra prevëiga la poscibilité da ciafé zoruch sciöche retüda de na spëisa fata por la cumpra de produc de hard- y/o software che taca adöm cun l’insegnamënt a destanza tratan la perioda dl coronavirus. La perioda de cumpra di produc é gnüda stabilida dai 5 de merz dl 2020 cina ai 15 de novëmber dl 2021. Do l’aprovaziun da pert dla Junta provinziala él sté les trëi Direziuns scolastiches che á lauré fora adöm ala “Südtiroler Informatik AG (SIAG)” le sorvisc online por fá les domandes.
Cina sëgn él gnü dé jö 2270 domandes, de chëstes 1788 pro le Departimënt Scora todëscia, 415 pro le Departimënt Scora taliana y 45 pro ll’Intëndenza y Cultura ladina. Por fá domanda por chi che laora tl sistem scolastich ladin prëibel cliché chiló.
