Ora in onda

Titolo

Artista

Programma attuale

Dolomiti Revival

12:00 14:00


A gåntz khaltar hochnach

Scritto da il 4 Giugno 2021

Alle di lusérnar bartn gedenkhan vor vil zait in vorgånnate månat, dar hochnach 2021: sichar vor in virus, vor di stråmbatn vairta bobar alle håm gelebet inngespèrrt in haus odar gianante inn pa balt, hèrta alùmma. Ma disar hochnach bart sichar khemmen gedenkht o vor da groaz khelte bo ’z hatt gemacht un boda, aromài vo vil djardar, izta nèt gest. Untar di  Boinichtn un di earstn tang von naüge djar hattz gehatt gesnibet starch un dena di berme iz neméar gånt obar in 0 vor vil tage, un åntze, padar nacht iz gerif fin mindar zbuantzekh grade.

Ka Slege, pezzar khött atti “Dolina di Capoluzzo”, dar termòmetro iz gerift fin att -39,6, a khelte mearar vodar Russia baz von Beleschlånt. Di djornél håm vil geredet vo disar khelte bobar aromài neméar soin gest gebónt zo haba: in di lestn djardar defàti hattz hèrta gesnibet mindar un di bintadar soin hèrta gest bermar. Vil khön ke ’z magat soin vor in virus boda hatt gehaltet inngespèrrt di laüt; pitt mindar inquinamento di natùr izzese a pizzle augezoget un, azpe bar håm gehatt ka långez a groaza impollinatzióng, est habar gehatt an djüstn bintar, azpe di sèllnen vo disedjar.


Opinione dei lettori

Commenta

La tua email non sarà pubblica. Campi obbligatori *